Nextcloud: өгөгдлөө өөрийн серверт хадгалаад, оффисын бүх хэрэгслээ нэг дор

Байгууллагын мэдээллийг гадаадын үүлэн үйлчилгээнд хадгалах нь нууцлал, хуулийн олон асуулт дагуулдаг. Nextcloud бол энэ асуудлын хамгийн боловсронгуй шийдлүүдийн нэг — Microsoft 365, Google Workspace-ийн үүргийг гүйцэтгэх боловч бүх өгөгдөл ТАНЫ өөрийн серверт хадгалагддаг нээлттэй эхийн платформ юм. Сүүлийн үеийн Nextcloud Hub хувилбарууд файл солилцоо, хуваалцахаас гадна: баримт бичгийг олуулаа зэрэг засварлах (Nextcloud Office), видео хурал, чат (Talk), имэйл, календарь, төслийн самбар зэргийг нэг дор нэгтгэсэн. Гар утас, компьютерийн апп-ууд нь файлыг автоматаар синк хийнэ. Хамгийн сонирхолтой нь Nextcloud Assistant — хиймэл оюун туслах. Текст товчлох, имэйлийн хариу санал болгох, бичлэгийг хөрвүүлэх зэрэг ажлыг ГАДНЫ үйлчилгээ рүү өгөгдөл илгээхгүйгээр, өөрийн сервер дээр ажиллаж гүйцэтгэх боломжтой. Энэ нь нууцлал өндөртэй байгууллагад хиймэл оюуны давуу талыг аюулгүйгээр ашиглах гарц юм. Европын олон улсын байгууллага, засгийн газрууд «өгөгдлийн бүрэн эрхт байдал» (digital sovereignty)-ын үүднээс Nextcloud руу шилжсээр байна. ТЕРАБИТ НЕТ нь Nextcloud-ийг байгууллагад суурилуулж, тохируулж, дагалдах үйлчилгээ үзүүлдэг — өөрийн серверт ч, манай удирддаг орчинд ч байршуулж болно.