Хиймэл оюун ухаан дата төвийн эрэлтийг огцом нэмэгдүүлж байна

Хиймэл оюун ухаан, генератив загваруудыг сургах, ажиллуулах хэрэгцээ нэмэгдсэнээр GPU-д суурилсан өндөр нягтралтай тооцооллын эрэлт дэлхий даяар огцом өсч байна. Уламжлалт rack-ийн эрчим хүчний нягтрал 5–10 кВт байсан бол хиймэл оюун ухааны кластерууд rack тутамд 40 кВт ба түүнээс дээш хүрч, агаарын хөргөлтийн оронд шингэн хөргөлт (liquid cooling) руу шилжих шаардлагыг бий болгож байна. Эрчим хүчний хэрэглээ өсөхийн хэрээр дата төвүүд байршлаа сэргээгдэх эрчим хүчний эх үүсвэрт ойртуулах, PUE (эрчим хүчний үр ашгийн үзүүлэлт)-ээ сайжруулахад анхаарч байна. Мөн сүлжээний хойшлолт (latency)-ыг бууруулахын тулд тооцооллыг хэрэглэгчид ойртуулсан “edge” дата төвүүдийн тоо нэмэгдэж байна. Шинжээчид ойрын жилүүдэд дата төвийн багтаамжийн хомсдол, эрчим хүч, хөргөлтийн дэд бүтцийн шинэчлэл нь салбарын гол сорилт болно гэж үзэж байна.